ފަހުގެ އަޕްޑޭޓްތައް
އުދަ އަރާފާނެކަމަށް ނެޝަނަލް މީޓްރޮލޮޖިކަލް ސާރވިސް އިން ލަފާކޮށްފައިވާތީ ކައުންސިލުން އެކަމަށް ތައްޔާރުވުން
Tweet
އުދަ އަރާފާނެކަމަށް ނެޝަނަލް މީޓްރޮލޮޖިކަލް ސާރވިސްއިން ލަފާކޮށްފައިވާތީ ކައުންސިލުން އެކަމަށް ތައްޔާރުވުމުގެ ގޮތުން ވޯކިންގ ގްރޫޕްތަކެއް އެކުލަވާލައި އެ ގްރޫޕްތަކާއި ބައްދަލުކުރައްވައިފިއެވެ. އެ ގޮތުން ކައުންސިލް އިދާރާގައި މިރޭގެ ބޭއްވި ބައްދަލުވުމުގައި އުދަ އަރާފާނެ ކަމަށް ބެލެވޭ ސަރަހައްދުތަކުގައި ފޯރިމަރަން ވަކި ވަކި ގްރޫތައް ހަމަޖައްސާފައިވެއެވެ.
ހޯނޑެއްދޫ ކައުންސިލުގެ ކޮމިއުނޓީ އެމަރޖެންސީ ރެސްޕޯންސް ޓީމް އިން އެކުލަވާލައިފައިވާ ކާރިޘާއެއް ދިމާވެއްޖެ ހާލަތައްގައި އަމަލު ކުރާނެގޮތް ވޯރކިންގްރޫޕް ތަކަށް ވަނީ ކިޔާދީފައެވެ. ކުއްލިހާލަތުގައި މަސައްކަތްކުރާނެ ގޮތާއި އަމަލުކުރާނެ ގޮތް އަދި ވޯރކިންގ ގްރޫޕްތަކުގެ މަސްއޫލިއްޔަތުތައް ވަނީ ކިޔާދީފައެވ.
އެގޮތުން މިރޭ 00:00 އިން ފެށިގެން 2:30 އަށް މި ގްރޫޕްތަކުން އުދަ އަރާފާނެ ކަމަށް ބެލެވޭ ސަރަހައްދުތަކުގައި ދަނީ ފޯރިމަރަމުންނެވެ. މިގޮތަށް ކުރިއަށް އޮތް 3 ދުވަހުގައި މި ވޯރކިންގ ގްރޫޕްތަކުން ހަރަކާތްތެރިވާނެއެވެ.
މި ފުރުސަތުގައި މިފަދަ ކަންކަމުގައި ހޯނޑެއްދޫގެ ރައްޔިތުން ކައުންސިލަށް ދެއްވަމުންގެންދަވާ އެއްބާރުލުމާއި އެހީތެރިކަން ފާހަގަ ކައުންސިލާއި އަދި އެންމެހައި މުވައްޒަފުންގެ ނަމުގައި ހޯނޑެއްދޫގެ އެންމެހާ ލޮބުވެތި ރައްޔިތުންނަށް ޝުކުރު ދަންނަވަމެވެ.