ފަހުގެ އަޕްޑޭޓްތައް
ހޯނޑެއްދޫ ކައުންސިލުން ސަރުކާރުގެ ވުޒާރާތަކާއި ބައްދަލުކުރުން
Tweet
ހޯނޑެއްދޫ ކައުންސިލުން އިސްނަގައިގެން ސަރުކާރުގެ އެކި ވުޒާރާތަކާއި ބައްދަލު ކުރައްވައިފިއެވެ. މި ބައްދަލުވުންތަކުގެ އެންމެ ބޮޑު މަގުސަދަކީ ހޯނޑެއްދޫގެ ތަރައްޤީއަށް ބޭނުންވާ މުހިންމު މަޝްރޫއުތަކާއި ބެހޭގޮތުން ސަރުކާރާއިއެކު މަޝްވަރާކުރުމެވެ. އެގޮތުން ބައްދަލު ކުރެވުނު މިނިސްޓްރީތަކުގެ ތެރޭގައި މިނިސްޓްރީ އޮފް ހައުސިންގ އެންޑް އިންފްރަސްޓްރަކްޗަރ، މިނިސްޓްރީ އޮފް ފިނޭންސް، މިނިސްޓްރީ އޮފް އެޑިއުކޭޝަން، މިނިސްޓްރީ އޮފް ހެލްތް، މިނިސްޓްރީ އޮފް ޔޫތް އެންޑް ސްޕޯޓްސް ހިމެނެއެވެ. މީގެ އިތުރުން ފެނަކަ ކޯޕަރޭޝަންއާއި ވެސް ބައްދަލު ކުރައްވާފައިވެއެވެ.
އެކި ދާއިރާތަކުން ހޯނޑެއްދޫއަށް ބޭނުންވާ ތަރައްޤީގެ މުހިންމު މަޝްރޫއުތައް އެކަމަކާއި ގުޅުން ހުރި މިނިސްޓްރީއަކަށް ވަނީ ހުށަހެޅިފައެވެ. އަދި ހޯނޑެއްދޫގެ ރައްޔިތުންނަށް އެންމެ ބޮޑަށް ދަތިވާ ކަންކަމުގެ ވާހަކަތައް ސަރުކާރާއި ވަނީ ހިއްސާ ކުރެވިފައެވެ.
މި ބައްދަލުވުންތަކުގައި ކައުންސިލްގެ މެމްބަރުންގެ އިތުރުން މަޑަވެލި ދާއިރާގެ އިއްޒަތްތެރި މެމްބަރު މުއާޒު މުހައްމަދު ރަޝީދު އަދި ގދ. އަތޮޅުކައުންސިލުގެ ނައިބް ރައީސް (މަޑަވެލި ދާއިރާގެ މެމްބަރ) އިނާޒް އަލީ ވެސް ވަނީ ބައިވެރިވެވަޑައިގެންފައެވެ.
ކައުންސިލުގެ އުއްމީދަކީ ހުށަހެޅިފައިވާ ގޮތަށް އަވަސް މުސްތަގުބަލެއްގައި ކައުންސިލަށާއި ރައްޔިތުންނަށް ދަތިވާ ކަންކަން ސަރުކާރުން ހައްލުކޮށްދެއްވުމެވެ.
